غمض عينيك

موضوع: غمض عينيك 4/4/2009, 1:14 am

غمض عنيك

دلوقتي من غير تردد غمض عينك !!!
أيوة غمض متستغربش غمض بس استني قبل ما تغمض

حط كل احلامك في دماغك فكر فيها كويس

ها عرفتها افتكرتها ولا انت اساسا مبتحلمش تبقي مصيبة لو مش بتحلم

غمض بقي وتخيل ان كل احلامك اتحققت

ها فتحت دلوقتي ...

قولنا بقي حلمت بأيه لو تسمح يعني

موضوع: رد: غمض عينيك 5/4/2009, 1:09 am

مفيش حد بيحلم بحاجة

موضوع: رد: غمض عينيك 5/4/2009, 2:18 am

بحلم لو عاد الاسلا م يحكم من تانى ويخلى صحار الاوطان خضره وأغانى
بحلم لو نسمه ايمان هزت اركانى يجى الفجر ويطوى الليل بنوره الربانى
بحلم ان العدل يسود عدل عمر وجنودة اسود
يحمى الحق وعنه يذود ما يخاف الجانى

موضوع: رد: غمض عينيك 6/4/2009, 3:20 am

حلمك جميل قوى ياهيما
أنا بحلم لو ان الدنيا مابقاش فيها شر... ولا حروب ...ولا فقراء
بحلم ان الدنيا تخلو من فساد الضمير والأخلاق
بحلم ان الشباب والبنات يفهموا دينهم صح
بحلم انى أكون من أهل الجنة
بحلم برضا ربنا
بحلم برضا أمى
بحلم بزوج صالح وذرية صالحة
بحلم ان ربنا يدى لأمىالصحة ويطولى فى عمرها
بحلم ان ربنا يشفى أمة النبى كلها من الأمراض

موضوع: رد: غمض عينيك 7/4/2009, 1:18 pm

بحلم بروها ...(هذا الاسم ليس اسم شخصا ولكن اسم شركة)

موضوع: رد: غمض عينيك 7/4/2009, 2:10 pm

أنا في خطتي في شركة اسمها BYT لو عملت روها ممكن نعمل تكامل إقتصادي
زي ديل وأي بي أم ما عملوا vision
أحلام جميلة

موضوع: رد: غمض عينيك 7/4/2009, 2:13 pm

ده يزيدني شرف يا حبي
بس يعني ايه
byt

موضوع: رد: غمض عينيك 7/4/2009, 2:17 pm

غمضت عنيا وشوفت
.. قاعد في استديو ولابس بدلة انيقة اوي وباعمل وبتسالني المذيعة ايه الخطة المستقلبية لشركة روها
اكبر شركة برمجيات في العالم
فردت ..
والله لسه جيلنا عرض تكامل اقتصادي من شركة byt وربنا يسهل

موضوع: رد: غمض عينيك 7/4/2009, 5:14 pm

بحلم بحجات كتير اوى
اهم حاجه هى
سيادة الاسلام على العالم .............

موضوع: رد: غمض عينيك 7/4/2009, 7:14 pm

byt ده اختصار ل )build your towen (وده برنامج تدريبي بيعتمد على البرمجيات بنسبة 40 %
أي خدمه ياعم غششتك المشروع أهه

موضوع: رد: غمض عينيك 7/4/2009, 10:37 pm

بحلم بيوم
اقابل فيه الرسول
ويخدنى من ايدى ويشربنى من الكوثر
ويفرجنى على الغزوات اللى كانت فى الدنيا
وبعدين ياخدنى معاه الفردوس الاعلى
وبحلم ان يجمعنى وكل من فى المنتدى على رحله نلف فيها الجنه كلها مع الرسول صلى الله عليه وسلم
وسيدنا ابو بكر وعمر وعثمان وعلى
قولو امييييييييييييييين
مين يحب يحلم حلمى

موضوع: رد: غمض عينيك 7/4/2009, 10:40 pm

على فكره حقائق اليوم
كانت احلام فى اعين اصحابها
بالامس
انا رايى ان المشكله الكبيره
ان الواحد مايحلمش

موضوع: رد: غمض عينيك 8/4/2009, 12:49 am

يا باشا ....يا باشا ان شاء الله يبقي في بينا تعاون
لو عاوز اي برمجيات اشر انت بس

موضوع: رد: غمض عينيك 8/4/2009, 1:49 am

طيب ايه احلامك في الدنيا يا استاذ هيما

موضوع: رد: غمض عينيك 9/4/2009, 1:42 am

حلمى ان اكون صاحب مشروع حضارى نهضوى يكون سبب
رئيسى لنهضه الامه
طبعا هاتقولى هو ايييييييييييييييييييه
هاقولك مش هاعلن عنه الالما يتبلور كاملا فى ذهنى

موضوع: رد: غمض عينيك 9/4/2009, 1:43 am

مع العلم انى محدد اجزاء مش قليله فيه

موضوع: رد: غمض عينيك 9/4/2009, 1:54 am

يا شغلك العالي يا ريس
صدق الي قال

high work
علي فكرة لسه متسجلة كده

موضوع: رد: غمض عينيك 9/4/2009, 11:13 am

لسه مغمض و بستمتع بى حلمى

موضوع: رد: غمض عينيك 10/4/2009, 12:07 am

اه هاى ورك
يلا يا عم شغل عالى
مش اى حاجه

موضوع: رد: غمض عينيك 10/4/2009, 9:28 pm

أنا غمضت عينى وحلمت انى أميرة عايشة فى قصر جميل بتحاوطه الخضرة من كل مكان
وليا غرفة خاصة بيا ماحدش يدخلها غيرى وفيها كل الامكانيات اللازمة لراحتى وساعدتى فيها الكرسى الهزاز بتاعى وآلة الكابيتشينو وموسيقى هادية
وبعدين أطلع أنام وفى الصبح أصحى على صوت العصافير وأفتح شباك غرفتى ألاقى حواليا مساحات شاسعة من الخضرة والجناين وفى وسطها استراحة صغيرة نتجمع فيها أنا وأصحابى نتكلم وناكل ونشرب ونجرى فى الجنينة ونلعب وننطلق من غير ما نكون حاسين بقيود تخنقنا
وطبعا مامتى هاتكون عايشة معايا
ماهو مافيش أميرة تعيش من غير ملكة

موضوع: رد: غمض عينيك 11/4/2009, 12:44 am

هو حلم طبعا جميل
بس الحلم ده نحلمه واحنا نايمين .....
انا قصدي علي احلام الواقع ..
بس شعور الخيالية والسرحان في العوالم الجميلة دي شعور رائع فعلا

موضوع: رد: غمض عينيك 12/4/2009, 12:14 am

لسه بحلم

موضوع: رد: غمض عينيك 27/6/2009, 7:58 pm

بحلم ان ربنا يغفر لنا ذنوبنا الي بنرتكبها بلؤ

موضوع: رد: غمض عينيك 27/6/2009, 10:31 pm

انا بقى حلمى مشترك مع بوها
الا وهو روها
انا بجد نفسى اخش شركة مع اصحابى وتبقى ناجحة
يعنى من الاخر نعمل احنا مشروعنا الناجح مش نستنى الحكومة اما تعطف علينا وتشغلنا عمال فى مصنع قبل القطر ما يفوت
وبحلم انى اعمل بنك اسلامى كبييييييييييييييييييييييير
عشان الناس ما يبقالهاش حجة وتلاقى قدامها البديل المناسب لغاية ما اضرب كل البنوك التانية واجيب ضرفها واخليهم يحولوا النشاط لبنوك مضاربة اسلامية
بحلم انى الاقى الامةالاسلامية كلها متوحدة واحنا فى الصفوف رايحين القدس،الضفة،العراق،لبنان والجولان
بحلم انى اقدر اصلح فى البلد
يااااااااااااااااااااه
كل دى احلام
جزاكم الله خيرا يا بوها على الموضوع اللى طلع الحاجت دى كلها وربنا يرجعك لينا يا رب
سبحان الله وبحمده سبحان الله العظيم

موضوع: رد: غمض عينيك 31/7/2009, 10:13 am

اقتباس :: لسه مغمض و بستمتع بى حلمى

أنت مغمض وفعلا أكيد بتستمتع بحلمك

اقتباس :: لسه بحلم

أكيد بتحلم تشوف وجه المولى
الله يرحمك يامحمد
فارس الأحلام