بنحلم بى اه

بحلم اه اكيد بحلم بس مش هقول دلوقتي لي عودة ان شاء الله

الاحلام فلسفة كبيرة
هرجع واتكلم تاني بس مش دلوقتي

امممم انا مش ليا احلام كبيرة

حلمى عادى انى اتجوز انسان يكون بيحبنى جدا جدا جدا جدا وانا بحبه جدا جدا جدا جدا

ونعيش حياه سعيدة اوى طول عمرنا ويكون معايا قبل الجواز زى بعده

لان دلوقتى المعظم بعد الجواز خلاص تلاقى حياه روتينية مش فيها اى كلمة حلوة ولا حب

وانا مش عايزة كده خااااااااااالص...

ايه يا شباب هو كل الاحلام جواز ولا ايه ايه حكايتكو

نتكلم عن فلسفة الاحلام يالا بقي نديها فلسفة شوية
بوصو يا شباب
جميل اوي انك يبقي ليك حلم عاوز تتجوز ماشي عاوز تاخد جايزة نوبل شغااااال
بس هسالك سؤال لو اتجوزت خلاص كده كل حاجة انتهت
لو خدت جايزة نوبل خلاص انتهت كده
لا طبعا اكيد هتلاقي حاجة تسعي ليها بردو
امال ايه حكاية الهدف دي
عشان نحدد هدف تعالو ندور علي هدف مش بنتهي
ها فكرووا



لاقيتوا
اقولكو انا
الهدف الكبير الي مش بينتهي ابدا هو
رضا ربنا
ايوة رضا ربنا ده هدفنا الكبير
بعد كده بقي كل واحد يحط هدف ف حياته عشان يوصل بيه لرضا ربنا
انا ليه بقول كده
عشان لو الواحد حط هدف ووصله من غير ما يكون حاطط الحكاية دي ف دماغة هيبقي هدف ملوش لازمة حققه ف الدنيا ومخدش عليه ثواب ف الاخرة
اما الي حاطط ف دماغة رضا ربنا بياخده دنيا واخرة ومفيش اطعم من كده
اذا الهدف الكبير هو رضا ربنا
والاهداف الصغيرة بقي
الناس كلها اجمعت علي انها الجواز مش عارف ليه
هارجع اقولكو اهدافي الصغيرة بس مش دلوقتي
لي عودة باذن الله

انا با اوافق بوها فى كل اللى قاله
وياريت يا جماعة نجدد لنية لوجه الله فى اهدافنا
وانا با احلم انى اتجوز واحدة احبها قوى وهى كمان تحبنى جدا
وانى اعمل مشروع شركة صغير مع ناس اصحابى
ادعوبى

شكرا يا رودى على ردك الجميل
وربنا يحقق لك حلمك و تلقى الانسان الى يحافظ عليكى
و يرعاكى بالاسلام
و على فكره الاسماء دى مختاره بعنايه فائقه دى غير انى كمان مختارلهم صور منها الصوره الى حاطتها بوها دى تبقى " ملك " و دى مش اختيارى

ان شاء الله يا ميدو تلقى الانسانه الى تستهلك
و على فكره انا عايز ادخل شريك معاك فى الشركه
انا كده اضملناك ان الشركه وقعت هههههه
و يارب تحقق حلمك[b]

حلو اوي حلم صحابك
احلي حاجة ف الاحلام انها تتحق واوحش حاجة واصعب انها تضيع ادام عينك

لو بطلنا نحلم نموت يا ابني

مين ده اللي مش عايز يحلم ؟؟؟؟؟؟؟؟؟؟؟؟؟؟؟؟؟؟

ميرسى اوى على كلامك الجميل بجد كتير عليا

وعلى فكرة انا الحمدلله مش علشان انا نفسى الاقيه فبدور عليه لا

بالعكس ده فى ادامى وبيحبونى لكن مش عايزاهم لان برده فى مواصفات

غير الحب ...

واظن ان التغير بعد الجواز مش سببه راجل او ست التغير ده بيكون سببه الطرفين..

وميرسى مرة تانية على كلامك الرقيق..

نرجو من الاعضاء الالتزام بقوانين المنتدي (ده بقي حلم من احلامي)

حلمى ممكن يكون مختلف بس بحلم انى بعدربنا يكون رضى عنى انى اسافر للخارج واشتغل هناك وده حلم اى
واحد دلوقتى الحلم ونفسى اطوف العالم كله شرقه وغربه واشوف كل الجمال اللى خلقه ربنا .

لم اقصد شيء اخي انا بتكلم كلام عام والي شايف نفسه مخالف ف حاجة يا ريت تصلحها انا بتكلم كلام عام يا اخونا محدش يفهم كلامي غلط

ابقي دور لي معاك علي اي حته برة عشان عاوز انا كمان اطفش

اقتباس :

" انا بقى حلمى انى اقابل واحده احبها و تحبنى و نكون لبعض كل
حاجه و تكون متدينه و طيبه و صادقه اوى وانى يبقى عاندى فيلا و اصممها انا
و هى مع بعض بكل شى فيها من ديكور و هيكل و اثاث و الوان ونفسى انى يبقى
عاندى ولدين و بنتين
الولدين اسمهم " نور " و " بدر " و البنتين " مريم " و " ملك " هو دى حلمى ..

والله ربنا هيحققلك حلمك ياصاحبى
قطعت قلبى وزودت دمعى
وربنا يشهد عل ىكلامى

اقتباس :

بس هو دى حلمى و متمسك بيه اوى اوى اوى لحد اخر لحظه فى عمرى
اه بقى هو حلمكوااااااااااا ....................

مكناش نعرف أن أخر لحظه دى هتكون قريبه قوى كده
وأحنا حلمنا أننا نشوفك

اقتباس :

حلمك جميل اوى يا زعيم
بس بالنسبه تصميم فوتوشوب و الواقع انا كده باكد ان الفتوشوب و المواقع اضربت هههههههه
ماشى يا ابن عم صاب

مهو أنت الى حببتنى فيها وف كلية تجاره أنا فاكر الوعود الى كنت هتنفذها لما أجيلك الجامعه
وفاكر أحلى خروجه بينى وبينك فى جامعة القاهره
مش قادر أتكلم أكتر من كده الكيبورد أتكلت دموع
رحماك يارب برفيقى
فارس الأحلام

اقتباس :

عاندى ولدين و بنتين
الولدين اسمهم " نور " و " بدر " و البنتين " مريم " و " ملك " هو دى حلمى ..

فاكر يا محمد لما كنا في النادي سواالأسبوع اللي قبل اللي فات؟؟
وكلمتني انك ناوي تخطب في سنة 3
وقلتلي على اسامي ولادك اللي كان نفسك فيهم
!!!!!!!!

انا فاكر يا محمد
نور وبدر ومريم و ملك
بأمارة ا قلتلك اني بحب اسم مريم

الله يرحمك يا حبيب قلبي
ويروجك من الحور العين
ويرزقك بنات وبنين في الجنة

جمعنا الله بك في الفردوس الأعلى ان شاء الله

انا فاكر يا محمد كل احلامك ....وحافظ كل اسرارك ...


انا فاكر والله ومش ناسي كل لحظة حلوة قضناها مع بعض...والله فاكر كل خروجة خرجناها مع بعض

وفاكر كل هم اشتكيته ليك ...وفاكر كل هم اشتكيته ليا....وفاكر كل لحظة وكل لعبة لعبناها مع بعض

وفاكر كل يوم قعدنا نذاكر فيه مع بعض في الثانوي العام ...وفاكر الدروس والمدرسين ...وفاكر يوم ما اتخنقنا مع المدرس عشان الولد الي سب الدين....وفاكر احلامك كلها ...وفاكر اسرارنا الي كنا مش بنحكيها لحد غير بعض ...وفاكر اننا كنا بنحب بعض اوي ...ومحدش كان يعرف ولا حد يعرف لحد دلوقتي ازاي الحب بينا اد ايه ....وفاكر اننا كنا روح واحدة....وفاكر كل شغل اشتغلناه مع بعض...وفاكر لما سافرنا مع بعض ....ونزلنا الميه بعض ......ورجعنا من السفر مع بعض.....وفاكر لما كنا بننزل نشتري هدوم مع بعض.....وفاكر ...وفاكر ...وفاكر .....وعمري ما هنساك يا صديقي...

كنا روح واحد في جسدين ......دلوقتي راح جسد مننا بس هتفضل روحك جوايا ومش هنساك ابدا..

والله فراقك صعب عليا....فراقك صعب اوي يا صحبي وحبيبي واخويا....والله يا صحبي مش عارف هفضفض لمين بعدك ....ولا عارف لما اكون زعلان ومدايق هخرج مع مين بعدك.....

وحشتني والله يا محمد ....والله وحشتني.......انا كنت مستنيك تعدي عليا بس كان عندك معاد اهم مني ...

معاد مع الرحمن الرحيم ......وانت دلوقتي معاه احسن مني واحسن من اي حد ...وهو ارفق بيك من اي حد ف الدنيا.....

فراقك صعب .....فراقك صعب ...


الله يرحمك ...ويغفرلك ويسامحك ...ويتقبل حسناتك ويغفر سيئاتك ويدخلك الجنة مع النبي صلي الله عليه وسلم

ويتقبلك شهيد ....


لا إله إلا الله

الله يرحمك يا محمد وكفى

اقتباس :

ونفسى انى يبقى عاندى ولدين و بنتين
الولدين اسمهم " نور " و " بدر " و البنتين " مريم " و " ملك "

وعد مني ان شاء الله لو ربنا احياني وتزوجت وانجبت هي دي هاتكون اسماء اولادي لانها اسماء رقيقه من شخص رقيق
ربنا يرحمك يا حبيب قلوبنا كلنا